ဝင်ကြည့်လိုက်ပါ(တင်ညွန့်)
ဝင်ကြည့်လိုက်ပါ
-----------------နေက ထွက်လာတယ်။ အပေါ်ကို မြင့်တက်သွားတယ်။
ဂူထိပ်ကိုရောက်တော့
“အို … အသင်လောက အမှောင်နဲ့အအေးဆိုတာ ဘာများပါလဲ” တဲ့
ဂူက လန့်နိုးပြီးတော့ အထဲကနေ အော်လိုက်တယ်။
“အို … အသင်လောက အလင်းနဲ့အပူဆိုတာဘာများပါလဲ” တဲ့
အပေါ်တက်သွားတဲ့နေက အမှောင်နဲ့ အအေးကို မသိဘူး
ဂူထဲက အလင်းနဲ့အပူကို မသိဘူး
ဒီလိုပဲ သူတို့ နေ့စဉ် အော်ဟစ်ညည်းညူနေကြတော့တာပဲ
တစ်နေ့တော့ နေက ဂူထဲကိုလှမ်းကြည့်လိုက်မိတယ်
“ဘာကြီးလဲ”
ဂူက အမှောင်ထဲကပြန်အော်တယ်
“ရှေ့လေး နည်းနည်း တိုးလိုက်ပါ … နည်းနည်းလေး တိုးလိုက်ပါ”
နေက အမှောင်ထဲကို တိုးလိုက်တယ်။
“အို … အေးလိုက်တာ … လင်းသွားတာပဲ”
ဂူကလည်းပြန်ပြောတယ်
“အလို … နွေးသွားတာပဲ … လင်းသွားတာပဲ”
နေလည်းပျော်သွားတယ်၊ ဂူလည်းပျော်သွားတယ်။
သိချင်ရင် ဝင်ကြည့်ရတယ်။ ထဲထဲဝင်ဝင် ဝင်ကြည့်လိုက်တော့လည်း တစ်ယောက်အကြောင်း တစ်ယောက် နားလည် အားလုံးလည်း အဆင်ပြေသွားတာပဲ။
တင်ညွန့်
၂၉.၆.၂၀၁၈
Comments
Post a Comment